town Kleck

2024-05-30 Zbiniew Wołocznik

3 жыцьця Клецка 1936.
(Нясьвіскі пав. ).
Клецк даволі бойкі гандлёвы пункт. Тры вялікія палескія шляхі, якія крьжуюцца ў Клецку, прыносяць яму вялікія гандлёвыя абароты. Гандаль вылучна ў руках жыдоў. Дагэтуль у Клецку няма аніводнае коопэратывы, за тое ёсьць 10 рэстаранаў. Насельніцтва Клецка складаецца з беларусаў, жыдоў, татераў і наплывовых палякоў — дзяржаўнай і самаўрадавай адміністрацыі. Беларуская нацыянальная сьведамьсьць пашырана тут слабавата. Беларускай прэсы ў Клецк прыходзіць мала. У Клецку няма ніякае культурна-асьветнае або якой іншай беларускай арганізацыі. Клецкая беларуская моладзь замест адкрываць свае арганізацыі запісваецца ў розныя „стшэлцы“, „кракусы“, гуляе ў карты, пiе гарэлку і часьценька бiецца між сабой.
У той час, калі Клецкае беларускае грамадзянства, як старэйшае, так маладое вядзе сонлівае жыцьцё, жыдоўскае грамадзянства праяўляе вялікую рухлівасьць у грамадэкім жыцьці. Жыды маюць у Клецку сваю гімназію, дзьве рабінацкія сэмінерыі, дэьве пачатковыя школы, сваю гміну, свой банк, сваю арганізаваную лекарскую помач, свае культурна-асьветныя арганізацыі, свой аматарскі тэатр і г. д.
Клецкі магістрат пабудаваў публічныя адходнікі з якіх у цёплыя дні резносіцца страшэнны смурод, па ўсьму Клецку, а ў адходніках столькі бруду, што трудна нават пераступіць.
Па рынку свабодна ходзяць сабакі, сьвіньні, каровы, козы і г. д. Тут-жа пры рынку месьціцца пастарунак паліцыі.
Недалёкі.
Беларуская Круніца Nr 14 (655) Wilnia, Niadziela 29 Sakawika 1936 h