town Kleck

2025-02-28 Збигнев Волочник

List sług pancernych Krupojedow i Sekirycz z Klecka do Bony Królowej Polski, Wielkiej Księżnej Litewskiej, Ruskiej, Pruskiej, Żmudzkiej, Mazowieckiej itd. pisany w Wilnie, dnia 14 maja 1534 r. (Skarga na bezprawne pobieranie przez Starostę Iwana Michajłowicza podatku zwanego "srebszczyną lub serebszyzną" pobieranego w monecie srebrnej od wszystkich poddanych za wyjątkiem bojarów, którzy zostali z niego zwolnieni na mocy przywileju Króla Kazimierza IV Jagiellończyka w 1447r. Bojarzy w zamian za zwolnienie z tego podatku zobowiązani byli stawić się przy Królu wraz z koniem w pełnym rynsztunku na wypadek wojny.

Листы слугъ панцырныхъ Крупоедовъ и Секирычъ.
Бона, Божью милостью, королевая Польская, великая кнегини Литовская, Руская, Пруская, Жомоитская, Мазовецкая и инныхъ.
Старосте нашему Пинскому, Кобрынскому, Клецкому, Городецкому и Рогачевскому пану Ивану Михайловичу. Прыездили до мене здесе бояре нашы Клецкiе панцырные, на имя: Матеей Апдреевичъ Крупоедъ, Харко Мищынъ, Ленко Поповичъ, Андрей Васиновичъ, Иванъ Головачевичъ, Опанасъ Ивановъ, сынъ Крупоедъ, Микита Скребелчычъ, Янюта Мишпевичъ, Петрашъ Головачевичъ, Миколай Нарейшевичъ, Федецъ Пашкевичъ, Грынецъ Лвовичъ, Занько Тенетиловичъ, Иванъ Матвеевичъ, Грынецъ Глецковичъ, Кулакъ Ивановичъ, Некрашъ Матеевичъ, Матыясъ Станковичъ, Петръ Миневичъ, Радивонъ Мишковичъ и иншые, жалуючы о томъ, штожъ намесиикъ нашь его милость Клецкой править на нихъ серебщызны, которую теперь король его милость панъ и малжонокъ нашъ положыти рачылъ съ паны радами его милости и со всемъ поспольствомъ по всему панству его милости великому князству Литовскому. А они дей передъ тымъ николи серебщызны сами зъ домовъ своихъ не даивали, нижли служать намъ службу военную конемъ, яко жъ есмо о томъ королю его милости мовили, и его милость намъ о то поведити рачылъ, ижъ тые бояре, которые колвекъ служать службу военную конемъ, серебчизны давати не мають; нижли который бы съ нихъ мели люди, або огородники, тыи повинны съ людей и огородниковъ сноихъ серебтцызну давати. Про то прыказуемъ твоей милости, жебы твоя милость на нихъ никоторые серебчызны брати не казалъ и напотомъ не мають они сами зъ себе николи серебщызны давати. А такъ абы твоя милость тежъ николи ее отъ самыхъ ихъ брати не казалъ, але заховалъ бысь ихъ ведлугъ старого обычаю; нижли въ кого люди съ огородники будуть, съ людей и огородниковъ завжды серебщызну давати по тому, яко и инщые дають. А сами мають а еднакъ ездити на войну. Писапъ у Вильни. Подъ леты Божого Нароженья тисеча пятьсотъ тридцать четвертого, месяца Мая 14 день. Валерыянъ. Серебщина (сребщизна) — денежная повинность (налог) в Великом княжестве Литовском в XIV—XVI веках