village Czemery 2

2014-11-19 admin

ЧАМЯРЫ 2 — вёска ў Рэчыцкім сельсавеце, за 7 км на ўсход ад Камянца, 46 км ад Брэста. У 2-й пал. 19 ст. маёнтак ў Дварцоўскай воласці Брэсцкага павета Гродзенскай губерні Расійскай імперыі. У 1890 г. ўласнасць графа Міхаіла Грабоўскага, 504 дзесяціе ворыўнай зямлі, 150 дзесяцін лугу, 800 дзесяцін лесу. У 1905 г. — 121 жыхар. У 1921—39 гг. у складзе Дварцоўскай гміны Брэсцкага павета Палескага ваяводства Польшчы. У 1923 г. — 27 гаспадарак, 164 жыхары. У 1940 г. ў вёсцы 46 двароў, 256 жыхароў. З 12. 10. 1940 г. вёска Чамяры-2 у Рэчыцкім сельсавеце Камянецкага раёна Брэсцкай вобласці БССР. У Другую сусветную вайну ў 1943 г. ням. -фаш. захопнікі расстралялі 6 жыхароў вёскі. На франтах загінулі 7 вяскоўцаў. У 1949 г. арганізаваны калгас імя Калініна. У 1948 г. ў пачатковай школе 32 вучні. З 14. 4. 1964 г. ў Камянецкім сельсавеце, з 19. 5. 1986 г. зноў у Рэчыцкім сельсавеце. Паводле перапісу 1959 г. ўвёсцы 201 жыхар, у 1970 г. — 213, 2005 г. - 31 жыхар.