village Gorodyshche

2013-04-15 Уладзімір Гваздзецкі

Вёска Старое Гарадзішча знаходзіцца на ўнутраным схіле вала кратара. Пасяленне тут з'явілася прыблізна ў 9-10 стагоддзі. Цераз вёску праходзяць дзве дарогі: адна з іх ідзе ў Заельнік, а другая ідзе на вёску Селішча. У вёсцы шмат крыніц. У апошнія гады гаражане набываюць тут участкі і будуюць дамы. Можна сказаць, што вёска атрымала другое жыццё і выміранне ёй не пагражае. Прыблізна ў паўкіламетры ад вёскі знаходзіцца старажытнае гарадзішча. Плоская вяршыня гарадзішча мае памеры 65 на 30 метраў (гэта замеры навукоўцаў). Некалькі стагоддзяў назад старажытнае гарадзішча пачалі выкарыстоўваць, як могілкі. На вяршыні хавалі сваіх памершых памешчыкі, а ніжэй, на тэрасах, былі магілы простых людзей. Пасля 1918 года магілы памешчыкаў абрабавалі і разбурылі. Помнік на магіле Паплаўскай вандалы скідваюць ужо амаль кожны год, хаця некатарыя і ведаюць, што за такія дзеянні прыдзецца несці адказ.