town Logoysk

2014-07-06 Уладзімір Гваздзецкі

Цікавая гісторыя Лагойска, якому шмат стагоддзяў. Розныя беды неадзін раз закраналі яго: яго стараліся пакарыць і знішчыць, яго спальвалі, але ён, як тая птушка Фенікс, зноў узнікаў з папялішча. Многія войны крававым катком праходзілі па землях Лагойшчыны, але многія старажытныя сёлы зноў узнікалі на старых месцах і каля старажытных гарадзішч, якіх тут нямала.
Прайшло некалькі дзён, як мы адзначылі 3 ліпеня 70-ю гадавіну вызвалення нашай Радзімы ад гітлераўскіх захопнікаў. 3 ліпеня і дзень вызвалення Лагойска. Апошняя вайна таксама не пашкадавала жыхароў Лагойшчыны. Амаль усім вядома трагедыя Хатыні і Дальвы. Праўда не ўсе ведаюць, што і каля самога Лагойска (прыблізна 500 метраў ад апошніх дамоў па вуліцы Гайненская), каля перакрыжавання дарогі (Р66), якая ідзе ў бок Гайны і дарогі (М3), якая ідзе на Віцебск, ёсць невялікая гара. Пажылыя людзі ведаюць гэта месца пад назвай "Яўрэйская Гара" альбо "Лагойскі Бабій Яр". На гэтым месцы ў час вайны гітлераўцы растралялі сотні яўрэяў, жыхароў Лагойска і навакольных вёсак. На вяршыні гэтай гары стаіць помнік.