estate Norwidpol
Message:
Фальварак Норвідполле узнік на тэрыторыі былога маёнтка Докшыцы ў 1790-1810 гг. і знаходзіўся на паўночны ўсход ад Таргуноў. У 1812 годзе Норвідполле — ўласнасць Яна Норвіда (ад прозвішча якога, відаць, і пайшла назва маёнтка), 60 дымоў.
У 1834 годзе - уласнасць Венцлавовіча, якому, паводле больш позніх звестак, належаў таксама маёнтак Іванаўшчына на поўдні Глыбоччыны. Да маёнтка напачатку адносіліся тры вёскі, а пазней у яго складзе засталіся толькі вёска Таргуны і фальварак Трусы. У 1930 годзе – 3 двары, 7 чалавек, 485 дзесяцін належалі Людвіку Венцлавовічу, і 432 – Генрыку Венцлавовічу, якому належаў і недалёкі фальварак Трусы.
У 1940 годзе тут арганізаваны саўгас, а пасля вайны на месцы былога фальварка збудавана ферма таргуноўскага калгаса “Зара камунізма”. Зараз тут 3 двары, якія фармальна належаць да Таргуноў. Ад колішняга квітнеючага гаспадарства засталіся толькі некалькі старых дрэў, а на месцы фальварковых пабудоў — будынкі савецкай фермы…
Кастусь Шыталь, краязнаўца
e-mail: kastus-sh@mail.ru
Reply to the message
Back
