village Okulichi

2013-01-25 Уладзімір Гваздзецкі

Невялікая вёска Акулічы знаходзілася каля дарогі, якая ішла з Новага Гарадзішча ў вёску Сялец. Назву вёска атрымала ад назвы фальварка Акулічы, дзе першым гаспадаром напэўна быў чалавек з прозвішчам Акуліч. Гэта прозвішча часта сустракаецца на Лагойшчыне. Вёска знаходзілася на заходнім схіле гары. Жыхары вёскі мала займаліся сельскай гаспадаркай таму, што схіл амаль цалкам быў з гліны. Яшчэ напэўна першы гаспадар гэтай зямлі зразумеў, што лепш за ўсё тут вырабляць цэглу. Быў пабудаваны невялікі завод па вырабу цэглы, а пазней пачалі вырабляць і чарапіцу. Вёска была разбурана ў часы правядзенняў калектывізацыі і ліквідацыі заможнага сялянства. Заможных сялян выслалі, а астатніх перасялілі ў вёску Сялец. Нейкі час на заводзе выраблялі цэглу і чарапіцу, але без руплівых гаспадароў завод прыйшоў у заняпад і быў разбураны. Аб вёсцы Акулічы цяпер нічога не напамінае.