estate Okulichi

2013-01-25 Уладзімір Гваздзецкі

Фальварк Акулічы знаходзіўся каля дарогі, якая ішла з Новага Гарадзішча ў вёску Сялец. Фальварк быў напэўна пабудаваны гаспадаром з прозвішчам Акуліч. Гэта прозвішча нярэдка сустракаецца на Лагойшчыне. Так як землі знаходзіліся на заходнім схіле гары, дзе была якасная гліна, то гаспадар тут пабудаваў невялікі завод па вырабу цэглы, а пазней пачалі рабіць і чарапіцу. Каля фальварка ўзнікла і невялікая вёска Акулічы, дзе напэўна жыла радня гаспадара і людзі, якія працавалі на заводзе. Фальварк быў разбураны ў часы правядзенняў калектывізацыі і ліквідацыі заможнага сялянства. Месца, дзе быў фальварк, яшчэ добра відаць.