village Ostrejki
Message:
Астрэйкі — зьніклая вёска ў Ляхавіцкім раёне Берасьцейскай вобласьці. Астрэйкі ўваходзілі ў склад Жарабковіцкага сельсавету.
У 1789 — шляхецкае ўладаньне ў Наваградзкім ваяводзтве ВКЛ. З 1791 у складзе новаўтворанага Случарэцкага павету. Пасьля другога падзелу Рэчы Паспалітай ў Нясьвіскім, а з 1796 — у Слуцкім павеце Менскай губэрні Расейскай імпэрыі. У 19 стагодзьдзі Астрэйкі — маёнтак, які складаўся з аднайменнай вёскі і фальварку. У 1844 годзе ў вёсцы 6 двароў, 44 жыхары, у 1897 — 10 двароў 70 жыхароў, а ў 1909 — 81 жыхар. З 1921 — у Ляхавіцкай гміне Баранавіцкага павету Польскай Рэспублікі. У вёсцы 17 двароў 78 жыхароў. З восені 1939 — у Ляхавіцкім раёне Баранавіцкай вобласьці БССР. У 1940 — 25 двароў, 172 жыхары. З чэрвеня 1941 па ліпень 1944 — у Генэральнай акрузе Беларусь Райхскамісарыяту «Остлянд» фашыстоўскай Нямеччыны. З 1944 у Ляхавіцкім раёне Баранавіцкай вобласьці, а з 8 студзеня 1954 Берасьцейскай вобласьці БССР. У 1949 створаны калгас імя Кірава, у сьнежні 1950 вёска ва ўзбуйненым калгасе імя Сталіна (у 1961 перайменаваны ў калгас «Беларусь»). У 1959 у вёсцы 113 жыхароў, у 1970 — 79.
Высокая якасьць зямлі адыграла не на карысьць вёскі — жыхары былі паступова пераселеныя (часта разам з будынкамі) у суседнія вёскі Шавялі, Зарытава, Жарабковічы, а зямля разараная пад калгасныя палеткі.
Wikipedia
Reply to the message
Back
