village Sloboda

2014-08-08 Уладзімір Гваздзецкі

У кнізе "Памяць" Лагойскага раёна ёсць цікавая інфармацыя пра гэта старажытнае пасяленне:
"КАМЕНСКАЯ СЛАБАДА (Каменскі сельсавет). ГАРАДЗІШЧЫ. За 1,5 км на захад ад вёскі, у лесе. Мясцовая назва Замкавая Гара. Авальная пляцоўка памерам 50 на 36 м умацавана валам і ровам. Другое гарадзішча (таксама пад назвай Замкавая Гара) размешчана за 3 км на захад ад вёскі, у лесе, на доўгім валападобным узвышшы. Пляцоўка памерам 105 на 27 м з двух бакоў адрэзана ад працягу ўзвышша 2 валамі і равамі".
Як бачым. то на Лагойшчыне былі дзесяткі старажытных гарадзішч, а прыблізна столькі ж гарадзішч навукоўцы не захацелі ўнесці ў спісы старажытных гарадзішч і замчышч. На левым беразе ракі Чарніца, каля кіламетра ад Каменскай Слабады ёсць невялікая вёска Новаганцавічская Рудня. Гэта адно з месц, дзе яшчэ да новай эры маглі здабываць балотную руду, з якой потым у печах-домніцах выплаўлялі крычнае жалеза.