village Stankov

2011-03-29 Андрэй Чарняўскі

Надхненне на напісанне артыкула атрымаў пасля наведвання в. Станькаў Рагачоўскага раёна, мая радзіма па мацінай галіне. Мая маці,
Чарняўская Ніна Васільеўна (10. 11. 1949-04. 09. 2010), у дзявоцтве Суднікава. Ейная маці Суднікава Лізавета Антонаўна (15. 04. 1924-05. 02. 2005), у дзявоцтве Грабенцова Лізавета Антонаўна, нарадзілася ў в. Станькаў Рагачоўскага раёна. І вось у пятніцу 17. 12. 2010 года я ўпершыню на фотаздымках убачыў свайго прадзеда і даведаўся імя прапрадзеда. Дык вось бацькі бабулі: бацька Грабенцоў Антон Максімавіч (01. 07. 1895-1980?), маці Грабенцова Серафіма (? - 1974?). У іх былі дзеці: Фёдар (на пачатку вайны вучыўся ў ваеннай вучэльні і загінуў), Міхал , Вольга, Ліза. Дзеці Міхала: Мікола, Федзя (жывуць у Пухавічскім раёне), Каця (жыве ў Друцкім лясніцтве). Дзеці Вольгі -Таццяна (зараз Канавалава) жыве ў Станькаве (дзеці Валера, Сяргей, Аляксандр). Дзеці Лізы: Ніна (мая маці), Тамара (1947-2010), Надзя ? (памерла малой у в. Станькаў, узялі да сябе гадаваць бацькі Лізы). Прадзед і прабабуля пахаваны ў Станькаве, баба Ліза ў Рагачове.