village Zhartsy

2012-03-31 Vadzim Urubleuski

Жарцы – вёска Стайскага с/с Лепельскага р-на Віцебскай вобласці. Знаходзіцца на 5 км на захад ад горада Лепель. У рэвізскай сказцы 1851 г. у двары № 4 дзяржаўнай вёскі Жарцы Стайскага сельскага таварыства Франопальскай воласці Лепельскага павета пражываў 88-гадовы селянін Максім Маркаў, які па ўзросту падыходзіць на ролю вядомага сялянскага правадыра 1812 г. Аднак месцам пражывання і дзейнасці апошняга называецца вёска Жарцы Полацкага павета і раёна. Дадзенае пытанне заслугоўвае дадатковага асвятлення. На пачатку ХХ ст. згадваецца як вёска Франопальскай воласці Лепельскага павета Віцебскай губерні (12 двароў, 100 жыхароў). Належала да Лепельскага праваслаўнага прыходу. На 1997 г. – 21 двор, 32 жыхары.