Кубличи - маёнтак ў Ушацкім раёне Полацкай акругі БССР (1924-1926). Для гэтага населенага пункта на сайце Radzima.net ёсць наступныя даныя:
- геаграфічныя каардынаты мясцовасці і размяшчэнне маёнтку Кубличи на падрабязнай старой мапе пачатку ХХ стагоддзя і сучасных мапах, а таксама на саталітарных здымках Google Maps - Google Мапы;Кубличи на мапе
- адміністрацыйна-тэрытарыяльная прыналежнасць у складзе Расійскай імперыі, БССР (1924-1926),
- каталіцкая парафія, да якой адносілася/адносіўся маёнтак Кубличи на пачатку ХХ стагоддзя;

Гэта інфармацыя даступна для зарэгістраваных удзельнікаў з Premium планам.

Пакінуць паведамленне

*
*
*
*

Паведамленні:

Двор Кублічы
Двор або маёнтак Кублічы знаходзіцца на адлегласьці 1,5 кіламэтры на поўдзень ад мястэчка. Некалі ён быў гняздом заможнага роду Кубліцкіх. У 1511 годзе вялікі князь Жыгімонт падараваў дзьве службы "людзей путных у Кублічах" полацкім баярам Невельскім. Пазьнейшы попіс 1528 году згадвае Гаўрылу Кубліцкага. Полацкая рэвізія 1552 году фіксуе ў Кублічах некалькі зямельных уладальнікаў: "... Сямён Міцькавіч Кубліцкі мае іменьне айчызнае двор Кублічы. К таму двару людзей вольных дымоў 6. Тыя людзі яму даюць з усякага збожжа чацьвёртую долю і талокі служаць. ... Фёдар Багданавіч Кубліцкі мае іменьне айчызнае двор Кублічы. К таму двару людзей вольных дымоў 11. Тыя людзі даюць яму з усякага збожжа чацьвёртую долю ды па 12 талок у леце служаць. ... Ганна Лаўрэнаўна Васілёвая Кубліцкая Аляхновіч мае іменьне айчызнае нябошчыка мужа яе двор Кублічы. К таму двару людзей вольных дымоў 20. Тыя людзі даюць ёй з пашняў сваіх з усякага збожжа чацьвёртую долю. ... Багдан Чыжэвіч мае іменьне айчызну жаны сваёй двор Кублічы. К таму двару людзей вольных дымоў 6. Тыя людзі даюць яму з пашняў сваіх з усякага збожжа чацьвёртую долю і талокі служаць. ... Пётар Невельскі мае іменьне айчызнае ў Кублічах двор. К таму двару людзей вольных дымоў 11, каторыя яму з усякага збожжа даюць чацьвёрты сноп і талокі служаць. ..."
Сёньня цяжка і нават немагчыма прасачыць межы і лёс гэтых пяці зямельных уладаньняў, ці былі яны калі-небудзь зьяднаныя. "Słownik geograficzny Królestwa Polskiego ..." сярод пазьнейшых уладальнікаў згадвае Сушынскіх, Францкевічаў, Кляноўскіх, Сяляваў. Маюцца фрагмэнтарныя зьвесткі, што ў 1622 годзе архімандрыт Нікан Сялява з братамі прадаў маёнтак ротмайстру І. Палозчыку, у 1667 годзе уладальнікам маёнтку быў полацкі гараднічы І. Кубліцкі, а ў 1719 - смаленскі стражнік Гушча і жонкай Элеанорай.
У 1778 годзе ў склад маёнтку Кублічы ўваходзілі пушчы Невельшчына, якая здаўна належала Невельскім, Навалока, набытая Невельскімі ў Пятровічаў, а тымі – раней у Сяляваў, ды Тухоцінская. Апрача таго маёнтак меў доступ да азёраў Уклейна, Белае, Карасна, Вітава, Гародна, Малае (Уклейна), Межужол (ля р. Чарніцы), Кубліна, Супонец, Лех, Вадавое і Прысуха. Да маёнтку акрамя самога мястэчка належалі вёскі Уклейна, Капылоўшчына, Кляпцы, Гарбачонкі, Смалякі, Бараўляны, Кажаны, Белая, Пруды, Астапоўшчына, Андрэйчыкі і Масьлюкоўшчына.
Паводле інвентара 1846 году у двары, што належаў Пятру Сяляве было 20 двароў, 87 жыхароў. Аднак праз 35 гадоў укладальнікі "Слоўніка геаграфічнага Каралеўства Польскага ..." адзначалі: "Цяпер маёнтак Кублічы ўяўляе журботны выгляд разбурэньня і спустошаньня. Сад, зь вялікім стараньнем пасаджаны Пятром Сялявам, зьнішчаны. З прыгожых дваровых забудоваў сёньня засталіся сумныя руіны".
У двары Кублічы некалі знаходзіўся вялікі архіў Невельскіх, зьнішчаны пазьнейшым арандатарам маёнтку нейкім Сарокам, які прадаў яго местачковым габрэйскім гандлярам як паперу. У апошняй чвэрці ХІХ ст. апісаньне маёнтку Кублічы зрабіў зьбіральнік беларускага фальклёру і мясцовых рарытэтаў Вінцэнт Мяніцкі зь недалёкіх Селігораў.
У 1905 годзе маёнткам валодаў Арлоўскі. Паводле перапісу 1926 году ў двары было 19 хатаў і 103 жыхары.
У 1929 годзе тут створаны калгас "Барацьбіт". Сёньня ў двары Кублічы засталося ня болей за пяць пахілых хатаў.

Алесь Баўтовічадказаць
Помогите найти информацию, где искать метрические книги католического прихода Святой Вероники (если они сохранились). Информация нужна для генеалогического исследования.
адказаць