деревня Якимовичи на карте

2021-06-16 сяргей тадра

Якімавічы (трансліт. : Jakimavičy, руск. : Якимовичи) - вёска ў Слонімскім раёне Гродзенскай вобласці. Уваходзіць у склад Дзеравянчыцкага сельсавета.
Плошча зямельнага надзела вёскі Якімавічы састаўляе 19,75 га, працягласць межаў зямельнага надзела 5,636 км.
Адлегласць ад в. Якімавічы да:
Слоніма- 12км;
Дзяравянчыцкага сельвыканкама 22 км. ;
Гродна -150 км. ;
Баранавіч – 44 км. ;
Мінска – 180 км.
У XVI стагодзьдзі згадваецца як сяло, прыватная ўласнасьць у Слонімскім павеце Наваградзкага ваяводзтва Вялікага Княства Літоўскага. Сяло Якімавічы упершыню згадваецца у матэрыялах судовай справы 1541 г. , якая разглядалася Панамі Радай Вялікага Княства Літоўскага, а менавіта у судовым дэкрэце 8 чэрвеня 1541 г. па справе пана Станіслава Збожнага Неміровіча з панам Янам Мікалаевічам Ільінічам аб маёнтку Міромін (Мурамін). Згодна з гэтымі матэрыяламі Якімавічы з'яўляліся сялом, якое уваходзіло ў Нагуеўскі дзясятак маёнтка Шылавічы.
У 1569 годзе сяло, 3 службы, шляхецкая ўласнасьць, уваходзіла ў маёнтак Шылавічы. У XVIII стагодзьдзі ў Слонімскім павеце.
У другой палове XIX стагодзьдзя вёска, прыватная ўласнасьць у Шылавіцкай воласьці, уваходзіла ў склад маёнтка Гавенавіцкае. Належала памешчыку Пуслоўскаму.
У 1869 годзе налічвалася 160 жыхароў сялянаў-уласьнікаў. Працавала народная вучэльня, у якой навучылася 18 хлопчыкаў. У 1882 годзе заснавана шкіпінарнае прадпрыемства з паравым рухавіком. У 1884 годзе тут працавалі 8 працаўнікоў.
Паводле перапісу 1897 году 47 двароў, 300 жыхароў, меўся вадзяны млын, карчма, кузьня. Недалёка ад вёскі знаходзіўся фальварак з такой самай назвай, у якім быў 1 двор, 26 жыхароў.
У 1905 годзе ў вёсцы 384 жыхароў, у фальварку 7 жыхароў, на выселках — 11 жыхароў, ва ўрочышчы — 28 жыхароў, на лясной старажоцы — 5 жыхароў.
З 1921 года ў складзе Польшчы. Уваходзіла ў Шылавіцкую гміну Слонімскага павета Наваградзкага ваяводзтва. У 1921 годзе 39 двароў, 209 жыхароў.
З верасьня 1939 году ў складзе БССР. З 12 кастрычніка 1940 году вёска Якімавічы ў Шылавіцкім, з 22 ліпеня 1966 году ў Жыровіцкім, з 6 жніўня 1979 года і да 18 верасьня 2013 года ў Вялікашылавіцкім сельсаветах.
У гады ваеннага ліхалецця загінулі нашы землякі-якімаўцы:
Данільчык Антон Ціханавіч;
Данільчык Іван Ціханавіч;
Данільчык Мікалай Андрэевіч;
Данільчык Павел …;
Струпавец Уладзімір Уладзіміравіч;
Швайдзюк Мікалай Піліпавіч.
Змагаліся з ворагам на фронце Прэдка Юльян Юльянавіч, Шлемен Іван Іванавіч, ў партызанах Прэдка Аляксандр, Сушко Уладзімір і інш.
За польскім часам ў Якімавічах мелася пачатковая школа, якая праіснавала да 1969 года, затым ў будынку школы адчынілі магазін.
У 1950-х гадах у в. Якімавічы Слонімскага раёна быў арганізаваны калгас “Імя Булганіна”, які затым перайменавалі у калгас “На варце міру”, была пабудавана драўляная канюшня, мелася кузня са знакамітым на ўсю акругу кавалём- Забельскім Баляславам Івосіпавічам. Пазней была пабудавана каменная ферма на 200 галоў, усталявана ваданапорная башня і падведзены вадаправод да фермы. У сяле мелася бібліятэка з багатым выбарам кніг, клуб ў якім часта праводзілі гучныя танцы-вячоркі пад самабытныя жывыя наігрышы музык-самавук Забельскіх (Боляся-скрыпка, Янка-акардэон, Галінкі-баян). Дарэчы на гэтыя вячоркі збіраліся жадаючыя з Альбартыня (Альбертін), Нагуевіч, Чапялёва, Камянкі, Рудні, Гуткі. Працоўная гісторыя нашай вескі скончылася ў саўгасе “Маладая гвардыя” ў 80-х гадах закрыццём фермы, канюшні і г. д..
Двойчы краявіды і жыхары нашай вёскі пападалі у кадры мастацкіх фільмаў, першы ў 1969 годзе “Паланез Агінскага”(1971г. ) рэж. Л. Голуб,
другі – ў 1967 годзе “Вайна пад стрэхамі” рэж. В. Тураў.
Аб многім могуць расказаць назвы ўрочышчаў, палёў, лясоў і ваколіц нашай вёскі: - Амшанка, Асовы луг, Бесяды, Браварышча, Дрынішча, Дуброўка, Саткі, Навішча, Навінка, Скарадзіца, Селішча, Смуга, Сяржанты, Мох, Васілёва поле, Нямецкі мост, Мачынскі лес, Панасеніна гара, Петрусёва гара, Раманаў вугал, Раманава гара, Хомчыкаў лес, Камянка, Дзяды і інш.

Памятайце пра свае карані, ушаноўвайце сваіх продкаў, любіце Радзіму, паважайце адзін аднаго і будзьце вартыя мірнага неба над галавой!
ответить