2021-01-25 К. Шастоўскі

У 1903 г. сядзіба належала Аляксандру Кіякоўскаму. Кіякоўскія, прыкладна, на рубяжы стагодьдзяў заклалі вялікую сядзібу, якая мела рысы утылітарнай мэтазгоднасьці. Уключала палац з афіцыйнай, сьвіран, лядоўню, вяндлярню, кузьню, піўніцу, парк, сад і вялізны гаспадарскі двор. У вёсцы мелася 2 дамы для рабочых (на 12 семьяў).

Закладзены на невысокай тэрасе р. Сэрвач. Мае простую планіроўку, палац зь верандамі і тэрасамі на двух фасадах, складаўся з 14 пакояў, разьмяшчаўся ў глыбіні парку. Да яго праз усю сядзібу вяла алея конскага каштана і ліпы (захаваліся адзінкавыя дрэвы). Перад домам меўся партэр з кругам, за якім на адной восі пабудавана стайня выязных коней (захавалася). З паркавага боку сярод сада быў круг такіх жа памераў, як і парадны, з рабаткамі півоній. Непасрэдна сам парк быў спланаваны на паўднёва-ўсходняй ускраіне сядзібы. Ён у плане Г-падобны, дрэвастой складзены мясцовымі відамі. Яго найбольш утульная і прыгожая частка разьмешчана з боку ракі, дзе растуць векавыя яліны, ліпы, клёны, дубы і бярозы. Адсюль адкрываецца перспектыва на раку і пойму. Ад вялікага гаспадарскага захаваліся стайня і ферма. Стайня пабудавана з бруса, закладзенага ў цагляныя шулы. Фасад вылучаны двума рызалітымі са шчытамі. Іх дзьвярныя праёмы маюць арачнае завяршэньне і прыгожыя дзьверы работы мясцовых майстроў.
Руслан Бугаевіч, ruslan-zmahar@tut.byответить

2012-03-10 Stanisław Gigoło

Rodzinne miejsce mojego Ojca.ответить