Гісторыя
Віленская губерня існавала з невялікім перапынкам у 1795-1920 на тэрыторыі сучасных Літвы і Беларусі. Адміністрацыйны цэнтр - горад Вільня. Губерня была створана пасля 3-га падзелу Рэчы Паспалітай (1795). У 1796 годзе Віленская губерня складалася з 11 паветаў - Ашмянскі, Браслаўскі, Віленскі, Вількамірскі, Завілейскі, Ковенскі, Расіенскі, Трокскі, Упіцкі (Панявежскі), Цяльшэўскі і Шавельскі. Большую частку губерні склалі землі былога Віленскага ваяводства ВКЛ. Гэта - Віленскі, Свянцянскі, Вілейскі, Лідзкі, паўднёва-ўсходняя частка Ашмянскага павету. Трокскі павет складаў у ВКЛ асобнае ваяводства. Дзісенскі павет належаў да Полацкага ваяводства.
У 1797 Віленская губерня была аб’яднана са Слонімскай у адну Літоўскую губерню, якая 9.9.1801 была падзелена на Віленскую і Гродзенскую губерні. У 1839 годзе Трокскі павет быў скасаваны, а Браслаўскі перайменаваны ў Новааляксандраўскі. У 1843 частка паветаў перададзена новастворанай Ковенскай губерні. Ад гэтага часу і да 1920 года ў склад Віленскай губерні ўваходзілі паветы: Ашмянскі, Вілейскі (далучаны з Мінскай губерні ў 1843), Віленскі, Дзісенскі (далучаны з Мінскай губерні ў 1843), Лідскі (далучаны з Гродзенскай губерні ў 1843), Свянцянскі (былы Завілейскі, перайменаваны ў 1842), Трокскі (адноўлены ў 1843).
Паводле Рыжскай мірнай дамовы 1921 года большая частка губерні адышла да Польшчы (у 1922-39 уваходзіла ў склад Віленскага ваяводства), паўночная частка былой губерні адышла да Літвы, невялікая частка Вілейскага павета - да БССР.
Насельніцтва Віленскай губерні
Паводле перапісу 1897 насельніцтва губерні складала 1 591 207 чалавек, з іх беларусаў - 56,1%, літоўцаў - 17,6%, габрэяў - 12,7%, палякаў - 8,2%, рускіх - 4,9%; па веравызнанню: католікаў - 58,8%, праваслаўных - 27,7%, іудзеяў - 12,9%. У 1915 насельніцтва склала 2083 тыс. чалавек.
Губерня была падзелена на 14 каталіцкіх дэканатаў Віленскай дыяцэзіі: віленскія гарадскі і павятовы, гедройцкі, троцкі, мерацкі, ашмянскі, вішнеўскі, свянцянскі, свірскі, лідскі, радунскі, вілейскі, надвілейскі, дзісенскі. Агулам у губерні было 152 парафіі, 203 касцёлы, 304 капліцы, 737 337 парафіян.
Праваслаўная царква належала да літоўскай епархіі. Губерня была падзелена на 14 благачынняў: віленскае, шумскае, троцкае, ашмянскае, валожынскае, вілейскае, мядзельскае, маладзечанскае, дзісенскае, глыбоцкае, друйскае, свянцянскае, лідскае і шчучынскае. Агулам - 157 парафій, 2 саборы, 157 парафіяльных цэркваў, 74 філіяльных, 86 могілкавых, 27 капліц.
Паведамленні
Mój dziadek pochodził z terenów Syrmierza, nazywał się Mieczysław Protas. Proszę o wszelkie informacje na jego temat. ... > > >
Здравствуйте, ищу информацию о родственниках из деревни Горни по фамилии Змитрович (Zmitrowicz)... > > >
Здравствуйте, меня зовут Владимир, мой прадед Шамай Александр Филиппович, участник ВОВ , урожденный деревни Заречье, в современной Беларуси Воложинский район.
+375333200574... > > >
Witam. Badając genealogię rodziny Gendźwiłł ustaliłem, że w 1825 i nieco później - plebanem parafii rzymsko katolickiej W Duniłowiczach był Siemion Gendźwiłł. Dysponuję zapisami z wywodu,, w którym opisano operacje arendy tego majątku kościelnego na rzecz członków rodziny.
Nie mam danych o losach Siemiona/Szymona. ... > > >
Фольварак Леоново ... > > >
Hello Raymond. I hope you will see this message.
Antoni and Elizabeth had 2 daughters (Veronica and Helena) and son (Victor).
"Rouba" is the last name of Veronica, because she married Pawel Rouba (he is my great-grandmother's brother).
Information about Victor and Lucja (his wife) I found on FamileSearch and Findagrave websites.... > > >
Witam Szukam informacji o pradziadku Aleksander Kisiel urodzony w Lida, Rejon Lidzki obwód Grodzieński urodził się 17 marca 1912 ... > > >
Меня интересуют МК как православного прихода, так и католической парафии и ссылки на микрофильмы церковных записей... > > >
Я был крещён в церкви Стефанполье.Где теперь церковные записи,ведь церковь уже не существует.... > > >
2026-09-14 Elizaveta Novikova Мосар, вёска (Дзісненскі павет)